Leiðarvísir: Hvernig á að velja réttu hokkíkylfuna?

Að kaupa dýrustu kylfuna er ekki alltaf svarið. Rétta kylfan er sú sem vinnur með líkamsbyggingu þinni og skottækni. Hér eru fjórir lykilþættir sem þarf að hafa í huga:

1. Flex (Stífleiki)

Flex segir til um hversu mörg pund af afli þarf til að beygja kylfuna um eina tommu.

Reglan: Algengasta þumalputtareglan er að deila líkamsþyngd (í pundum) með tveimur. Ef þú vegur 180 lbs (u.þ.b. 82 kg), ættir þú að byrja að prófa 90 flex.
Of stíf kylfa: Leikmaðurinn nær ekki að nýta „fjaðurorkuna“ í skaftinu, sem leiðir til máttlausra skota.
Of mjúk kylfa: Erfiðara er að stjórna pökknum og nákvæmnin minnkar því skaftið svignar of mikið.

Athugið: Ef þú sagar framan af kylfunni til að stytta hana, þá hækkar flex-talan (kylfan verður stífari).

Ekki gleyma Intermediate stærðinni! Margir leikmenn lenda á milli þess að vera of stórir fyrir Junior en ekki nógu sterkir fyrir Senior. Intermediate kylfur (t.d. 55, 60 og 65 flex) eru örlítið styttri og mjórri en Senior kylfur, sem gerir leikmönnum á aldrinum 11–15 ára (eða léttari fullorðnum) kleift að beygja skaftið rétt og læra rétta skottækni. Ef þú þarft að saga mikið af Senior kylfu gæti verið betra að skoða Intermediate í staðinn.

2. Kick Point (Sveigjupunktur)

Þetta er sá staður á skaftinu þar sem það bognar mest þegar skotið er. Það skiptir máli hvernig týpa af leikmanni þú ert:

Low Kick (Lágur): Kylfan bognar neðst á skaftinu. Hannað fyrir snögg skot (snap shots) þar sem þú hefur lítinn tíma. Frábært fyrir sóknarmenn.
Mid Kick (Miðja): Kylfan bognar á miðjunni. Hannað fyrir kraftmikil skot (slapshots eða þung úlnliðsskot). Hentar vel varnarmönnum.
Hybrid: Nýrri tækni þar sem kylfan aðlagar sig að því hvar neðri höndin er staðsett.

3. Blaðið: Kúrfa (Curve) og Opnun

Kúrfa blaðsins ræður því hvernig þú meðhöndlar pökkinn og hversu auðvelt er að lyfta honum.

Toe Curve (Kúrfa fremst): Frábær fyrir leikmenn sem treysta á meðferð pökksins (stickhandling) og vilja geta gert snöggar gabbhreyfingar. Hún auðveldar „toe-drags“.
Mid Curve (Miðja): Algengasta tegundin, góð blanda af öllu (t.d. P29 hjá CCM eða P92 hjá Bauer).
Heel Curve (Aftast): Gott fyrir bakhandarskot, harðar sendingar og að halda skotum lágum.

4. Lie (Halli blaðsins)

Lie segir til um hornið á milli skaftsins og blaðsins þegar blaðið liggur flatt á ísnum.

Ef þú spilar mikið niðri í hné (lág staða) viltu lægra Lie (t.d. 5).
Ef þú stendur frekar uppréttur viltu hærra Lie (t.d. 6).

Samantekt fyrir þig:

Veldu lengdina: Með skauta á þér á kylfan að ná að hökunni.
Finndu þinn Flex: Byrjaðu á helmingi líkamsþyngdar þinnar.
Veldu Kick Point: Viltu snöggt skot (Low) eða fast skot (Mid)?
Byrjaðu á „standard“ kúrfu: Ef þú ert óviss er P29 öruggasti kosturinn.

Hvaða CCM lína hentar þér?

CCM býður upp á þrjár meginlínur af kylfum, þar sem hver lína hefur sitt einkennandi "Kick Point":

1. Ribcor – Low Kick Point

Fyrir hverja: Leikmenn sem vilja losa skotið eins hratt og hægt er. Ribcor kylfurnar eru með mjög mjúkan neðri hluta sem gerir það að verkum að hleðslan í skotið er nánast augnablik.

Dæmi: CCM Ribcor Trigger 8, Trigger 9 Pro.

2. Tacks – Mid Kick Point

Fyrir hverja: Kraftmikla leikmenn sem taka þung úlnliðsskot eða slapshot. Mid-kick hleður mikilli orku í skaftið og skilar henni með hámarks krafti í gegnum pökkinn.

Dæmi: CCM AS-V Pro, Tacks AS-VI, Tacks XF Pro.

3. JetSpeed – Hybrid Kick Point

Fyrir hverja: Alhliða leikmanninn. Hybrid kick point er hannað til að búa til "lamir" (hinge effect) þar sem þess þarf. Ef neðri höndin er ofarlega virkar hún eins og low-kick, en ef þú leggst í skotið gefur hún kraft eins og mid-kick.

Dæmi: CCM JetSpeed FT6, FT7 Pro.

Gott er að prófa mismunandi týpur til að finna hvað hentar þínum skotstíl best, en flestir byrja í JetSpeed línunni vegna fjölhæfninnar.

Hvernig hokkí kylfu áttu að velja?